الحجاب.. من أهم وأحلى الاختيارات في حياتي
مريم أبو شادي ، ٢١ سنة
أول ما لبسته من ٩ سنين كنت مش لابساه صح اوي بس الحمدلله لبسته بكامل إرادتي و يمكن ماكنتش عارفة قيمته بس سبحان الله من ساعة ما لبسته و أنا حاساه بقى جزء مني .. جزء من شخصيتي.. ستر وجمال وربنا حط حب الحجاب في قلبي وبقيت كل ما الوقت يعدي أعرف قيمته أكتر
الستر مشتق من اسم الله الستار فسبحانه ستار يحب الستر🌸
طبعاً طبعاً أول ما لبسته ناس كتيييير قالتلي ليه عملتي كدا يابنتي انتي لسا صغيرة ابقي البسيه لما تكبري وتدخلي الجامعة! كنت ببص عليهم بشفقة انهم مش حاسين بإحساس الراحة والسكينة ال أنا حاسة بيها وعمري ما اتهزيت من كلامهم الحمدلله دي مش شطارة مني ولا اي حاجة دا فضل ربنا عليا..
ويعدي الوقت وألاقي نفس الناس ال كانوا بيقولولي شكلك كان أحلى من غيره بيقولولي شكلك حلو اوي و بردو ابتسمت وفرحت الحمد لله.
فرحت لسببين.. اولاً ان الحمدلله ربنا خلاني ماركزش في كلامهم في الاول وماتذبذبش واقول لنفسي اه ما انا لسا صغيرة فعلا!
السبب التاني اني لما لبسته كنت لابساه لسبب واحد فقط لا غير وهو ان ربنا يرضى عني ويحببني ف اي حاجة هوبيحبها و ان بعد كدا الناس تفبلتني زي ما أنا مريم المحجبة وال بيقولوا دايماً عليها "متدينة" بس دا مش صحيح ربنا يرزقني يعني أنا أتمنى
الناس حبتني زي ما أنا وربنا حط الحب في قلوب ال حواليا اتجاهي من غير ما اعمل اي مجهود 🙂
لو اني أتحجب و أحاول أجاهد نفسي اني أكمل و أحَسن في حجابي دا ال هيخلي ربنا يرضى عني يبقى دا عندي بالدنيا كلها ❤️
افتكروا احنا لابسين الحجاب ليه؟ عشان مين؟
اجمدوا واثبتوا وحاولوا تحسنوا من نفسكوا وحجابكوا ربنا موجود وشايف جهادكوا لنفسكوا وانكوا بتسيبوا الحاجة ال انتوا عايزينها وبتختاروه❤️
مريم أبو شادي
#Hijabisbeautiful
2 Kommentare
ماشاء الله قصة جميلة ملهمة ببذل النية لله أولا قبل كل شيء في جميع الأعمال
فمن صرفه حبه لله من باب الود سقاه
شكرا مسلمة على نشر هذه الأفكار المتميزة والنماذج الرائعة فهي علامات مشرقة محفزة ومثبتة في طريق كل المحجبات والمحبات للأناقة في درب الحجاب.💕💐🦋